うどん処 今助

营业中

休息中

同先生喺新九龙广场揾嘢食嘅时候，被餐厅嘅名字吸引，于是去一探究竟，门口树立咗部份餐牌，价钱合理，份量又多，似乎系个好选择。定食套餐包牛肉乌冬锅加带子、三文鱼同吞拿鱼寿司各两件，乌冬系手作自家制，比一般赞岐乌冬粗，而且口感更烟韧弹牙😍汤底系日式浓酱油汤，带甜味，配上牛肉、鲜冬菇同温泉蛋，整体好夹好好味😋温泉蛋偏向似马来西亚嘅生熟蛋，非常水嫩，亦系另一亮点♥️带子又大又肥美👍🏻但三文鱼同吞拿鱼就切得稍薄，欠缺口感🙁先生叫嘅定食比我嘅平$20，寿司部份比较丰富，有吞拿鱼、鲷鱼、带子、三文鱼、牡丹虾、鳗鱼同甜蛋寿司，带子司牡丹虾刺身新鲜肥美😋鳗鱼同甜蛋寿司中规中矩，但吞拿鱼、鲷鱼同三文鱼切得薄咗少少🙁至于乌冬就冇我嘅牛肉乌冬咁吸引，虽然面质同样弹牙，但汤底比较清淡，而且配料欠奉，整体比较寡，不过以咁嘅价钱嚟讲，有七件寿司加一碗乌冬，已经非常抵食，性价比好高。