影片
更多
2020-11-09
399 浏览
食过几次，以往味道一般，胜在平同大碟，所以都有继续食。点知前几日去食，中大伏！嗌左个鲜虾炒金边粉，攞嘅时候见几有色水，条条面都好橙，自然以为味道都应该唔差啦。第一啖，哗！唔系讲笑！无味架㖞！我以为自己味觉有问题啦，就叫2位屋企人帮口试试佢.....佢哋食完简直怀疑人生，有色无味系咩玩法？本身都谂住由佢啦，拿拿临食完佢算，但食多两啖之后真系顶唔顺，心谂咁大碟点哽呀？抱住想提点黄店心态去同店员讲啦，真系好有礼貌好声好气咁讲啦，店员就话帮我再炒过加番啲调味比我啦，企店面果个人帮我攞左入去炒，另一个人就同人我讲：可能系你食得重口味姐，我地个个客都系咁食嘅。我话：我食过呢间几次，唔算正宗，但唔会无味，但呢碟应该有嘅甜酸味，茄汁味都冇㖞，唔信你地可以自己试下。佢话：我地都系咁食嘅！我心谂真系祝你地生意兴隆🌝个姐姐炒完攞出嚟话得啦！加左味比你啦！我拎埋位一食，酸臭到傻左！佢好似倒左成支醋落去咁㖞！泰式炒金边粉调味系落醋？我心谂算啦！当捐左42蚊比佢，越谂越嬲，我一心想帮衬黄店，但你整啲咁嘅野我食，同场真系唔少黄店，拣左比你赚，但原来你咁对待客嘅，我比其他有心嘅黄店赚唔好？嬲嬲地，番去同佢哋讲话完全食
点知前几日去食，中大伏！嗌左个鲜虾炒金边粉，攞嘅时候见几有色水，条条面都好橙，自然以为味道都应该唔差啦。第一啖，哗！唔系讲笑！无味架㖞！我以为自己味觉有问题啦，就叫2位屋企人帮口试试佢.....佢哋食完简直怀疑人生，有色无味系咩玩法？本身都谂住由佢啦，拿拿临食完佢算，但食多两啖之后真系顶唔顺，心谂咁大碟点哽呀？抱住想提点黄店心态去同店员讲啦，真系好有礼貌好声好气咁讲啦，店员就话帮我再炒过加番啲调味比我啦，企店面果个人帮我攞左入去炒，另一个人就同人我讲：可能系你食得重口味姐，我地个个客都系咁食嘅。
我话：我食过呢间几次，唔算正宗，但唔会无味，但呢碟应该有嘅甜酸味，茄汁味都冇㖞，唔信你地可以自己试下。
佢话：我地都系咁食嘅！
我心谂真系祝你地生意兴隆🌝
个姐姐炒完攞出嚟话得啦！加左味比你啦！
我拎埋位一食，酸臭到傻左！佢好似倒左成支醋落去咁㖞！泰式炒金边粉调味系落醋？
我心谂算啦！当捐左42蚊比佢，越谂越嬲，我一心想帮衬黄店，但你整啲咁嘅野我食，同场真系唔少黄店，拣左比你赚，但原来你咁对待客嘅，我比其他有心嘅黄店赚唔好？
嬲嬲地，番去同佢哋讲话完全食唔落，点知佢哋反番我白眼转头！之后态度劲差咁话换比我，我仲敢食咩？我唔系要攞番钱，只系想比佢哋知佢哋嘅食物水准真系超差，跟住我就掉左碟面啦。
张贴