越北牛肉粉專門店

营业中

休息中

越北喺香港唔同地方都开咗好多间分店，今日就同几个朋友黎试吓，呢一间位于西环嘅分店一年之前开张都来试。一年之后再食唔知质素如何呢？一入门口已经比啲服务员阿姐吓亲，因为佢好恶咁问，我哋究竟拎左几多个位，唔好睇呢间系小店，拎位设施都好先进，要喺门口拎飞嘅。食物方面啲质素都算唔错，生肉汤河用咗韩牛骨煮，入口鲜甜。香茅猪扒捞檬都系店入边嘅推介，猪扒炸得香脆，捞檬嘅份量都十分之多。另外加＄28要多咗一份炸虾饼，虾饼新鲜炸起，入口香脆可口，加埋泰式辣酱都几好食。