小娘惹 (已結業)

呢间小店听讲净系做午市，12-3，之后就唔开，系香港咁贵租嘅地方，咁都可以维持到生意，就知道有料。睇门口嘅报道，原来老板曾经系五星级酒店做厨，食物梗系高质🥰12点去到，都仲有位，唔洗等，不过食完之后就见到要等位啦，系呢个市道都要等位，叻叻🥳要赞赞老板娘细心，见我一个人傻傻的系门口，就主动问我系咪等人，又主动比飞我，因为要人齐入座。我嗌左招牌娘惹海虾喇沙（$70），朋友就嗌左金榜去骨海南鸡饭（$68）。跟餐送热罗汉果茶，清甜滋润，感觉养生，好舒服。亦都可以半价转特饮，朋友就叫左咸柠7。海南鸡饭好快到，仲送碗汤，望落好靓，不过我就无试啦。之后就到招牌喇沙，一黎到真系话左出声，好大碗，好足料，绝对对得住个价钱。先饮啖汤，不得了，超级creamy，好似饮紧奶咁！味道唔辣，怕辣的朋友都可以嗌啊。系酸酸甜甜咁，饮到欲罢不能，好想饮晒成碗汤。面底系油面mix米粉，米粉索汤，油面有咬口，夹埋一齐好有层次。海鲜方面，3大只海虾，虾肉弹牙，仲有3只蛳蚶，索埋汤味好正。老板娘仲好细心，比定张纸我地放虾壳。配料有豆卜、芽菜、鱼旦，完全吸尽汤底精华，好好味。呢个喇沙绝对系我的no.1，下次会返去试下新加坡喇沙！