泰Grill (享和街)

今日去荃湾食泰国菜，繁忙时间餐厅里面好多人，我同朋友喺门口等咗一阵，老板好好人俾咗我哋一人一罐汽水，可以一路饮一路等。入座后急不及待即刻叫嘢食，叫咗一个泰式酸辣凤爪沙律、飞天通菜、猪牛鸡串烧、猪颈肉炒饭，同埋甜品椰汁糕。凤爪沙律有得拣小辣同芥辣，朋友钟意食大辣，所以我哋挑战食大辣，但其实唔算好辣，我哋冇饮水都可以食晒成碟。凤爪去咗骨，啖啖肉连埋软骨，柔软又硬，口感好特别。飞天通菜值得推荐，镬气够，够大碟，加上少少辣，非常开胃！半打串烧，可以自己拣想要几多串牛猪鸡肉。最特别系个酱，甜甜酸酸，用嚟点串烧非常适合。最好味系串烧猪，猪肉肥瘦适中，外层烧到脆脆地，食落去非常香口！猪颈肉炒饭都非常出色，炒饭里面有好多片大大块嘅猪颈肉，食到停唔到口。椰汁糕亦好好味，淡淡既椰香，口感Q弹，食完令成餐饭变得圆满左😆如果大家钟意食泰国菜，推荐大家黎试一试！