金裝燉奶佬餐廳 (已搬遷) 新店位置

喺屯门行街行到攰攰地，入左黎呢间炖奶佬到hea一hea，啱啱好有位唔使等。茶餐厅黎讲都叫几好坐立，啲冷气仲超劲添。等左好一阵都揾唔到人落单……最后叫左两个下午茶餐。饺子罗宋汤米线配杞子龙眼蜜，正式个名唔记得左啦。饺子好细粒，罗宋汤略甜，杯野饮更甜，水吧师傅落重左手？超劲蜜糖味。猪扒包配肉躁米线，热奶茶。猪扒包系冻嘅，好明显系整好好耐啰，味道ok嘅，猪扒几大块，番茄新鲜，我相信热食应该好好味。肉躁淡，不过都叫几大碗，以加五蚊嘅价钱黎计都几抵食，热奶茶唔得。成个餐，除左碗肉躁米线之外，其他等左成廿分钟先黎，连饮品都要等咁耐。至于啲服务啰，侍应……我估佢地系暑期工，好似咩都唔知又唔想做咁，一边落单一边un脚。如果赶时间绝对唔好黎，食个下午茶花左成个钟。