影片
更多
2022-11-06
21 浏览
喺大围有间好有居酒屋风格嘅烧肉店，佢哋仲系由火锅专门店616所设嘅分支616烧肉酒场。雪•二人特盛套餐呢个餐入面有齐沙律、茶碗蒸、三点刺身、牛肉拼盘、野菜、白鳝、温泉玉子丼饭、饮品、甜品。劲多嘢食，CP值好高。沙律系番茄沙律，入面有切片嘅番茄，配埋微酸嘅酱汁，仲有少许嘅生洋葱，食落够哂清新，酸酸甜甜亦令人胃口大增。刺身三点，款款都新鲜，又够大件，尤其三文鱼更为肥美。茶碗蒸，除咗口感好嫩滑，入面仲有野菌同埋表面有蟹肉，蟹肉鲜甜，野菌有独特嘅香味，令整体味道变得更丰富。牛肉拼盘有六款不同部位嘅牛肉，有四款不同部位嘅澳洲和牛、一款嘅系黑毛和牛、仲有一款系牛味最浓吓牛肋肉。服务员会细心建议先由淡味嘅黑毛和牛食起，最后先食牛肋肉。黑毛和牛嘅油香最浓，其次嘅澳洲牛嘅油同肉比例较均匀所以食落无黑毛和牛油腻，最后牛肋肉嘅肉味最浓。野菜放埋系牛肉拼盘入面，有翠玉瓜、野菌、红黄椒各一。白鳝一大块，服务员会建议先烧肉再烧皮，烧到金黄色就食到皮脆肉嫩嘅白鳝，白鳝够新鲜，所以肉质口感弹牙，仲有鱼嘅肉汁丰富，配埋佢哋秘制嘅酱汁更能带出鳝嘅鲜味。温泉玉子丼喺饭面铺满香脆嘅紫菜，加入秘制酱汁同温泉蛋拌入饭中，就咁食都
雪•二人特盛套餐
呢个餐入面有齐沙律、茶碗蒸、三点刺身、牛肉拼盘、野菜、白鳝、温泉玉子丼饭、饮品、甜品。劲多嘢食，CP值好高。
沙律系番茄沙律，入面有切片嘅番茄，配埋微酸嘅酱汁，仲有少许嘅生洋葱，食落够哂清新，酸酸甜甜亦令人胃口大增。
刺身三点，款款都新鲜，又够大件，尤其三文鱼更为肥美。
茶碗蒸，除咗口感好嫩滑，入面仲有野菌同埋表面有蟹肉，蟹肉鲜甜，野菌有独特嘅香味，令整体味道变得更丰富。
牛肉拼盘有六款不同部位嘅牛肉，有四款不同部位嘅澳洲和牛、一款嘅系黑毛和牛、仲有一款系牛味最浓吓牛肋肉。
服务员会细心建议先由淡味嘅黑毛和牛食起，最后先食牛肋肉。
黑毛和牛嘅油香最浓，其次嘅澳洲牛嘅油同肉比例较均匀
所以食落无黑毛和牛油腻，最后牛肋肉嘅肉味最浓。
野菜放埋系牛肉拼盘入面，有翠玉瓜、野菌、红黄椒各一。
白鳝一大块，服务员会建议先烧肉再烧皮，烧到金黄色就食到皮脆肉嫩嘅白鳝，白鳝够新鲜，所以肉质口感弹牙，仲有鱼嘅肉汁丰富，配埋佢哋秘制嘅酱汁更能带出鳝嘅鲜味。
温泉玉子丼喺饭面铺满香脆嘅紫菜，加入秘制酱汁同温泉蛋拌入饭中，就咁食都好好味，配埋烧牛肉一齐食味道会更好。
饮品我哋拣咗桃味乳酸饮品同埋白桃梳打汽水。两者都有清甜嘅桃味，好啱食烧肉嘅时候饮。
甜品系晚市先会送，有好啱烧肉食嘅柚子雪葩，雪葩有清新嘅柚子香味，酸酸甜甜，又够清凉，完全可以减低烧肉嘅油腻。
张贴
