影片
更多
2024-09-01
1723 浏览
朋友介绍左一间可以一次过满足3个愿望嘅火锅放题，仲要系无限时任你食任你坐任你饮嘅好地方!! 咁吸引梗系要揾朋友一齐黎试试佢
今次就同朋友黎到位于旺角嘅二锅头，一入到去店员已经非常热情咁介绍餐牌选项同自助区。
一于就试试朋友口中诚意推荐嘅 $298/位 (任你鱼肉之烤鱼鸡煲火锅放题)。
第一食 - 猪手煲:
首先会有鸡煲、猪手煲、牛尾煲比你简， 鸡煲就食得多啦,，一于今次就试下猪手煲先。猪手煲我地叫左小辣，上枱时店员会先炒几下，因为加左黑胡椒碎，所以炒嘅过程已经闻到好香嘅黑椒带小小辣嘅香味，非常吸引。 猪手肥而不腻，Ｑ弹软嫩，食完feel 到成个口都系满满嘅胶原蛋白。而且猪手份量非常足够，每旧都啖啖肉嫁! 唔够食仲可以无限添加嫁!
第二食 – 清江鱼
烤鱼就有四款口味比你简(麻辣味、香辣味、酸辣味、酱香味)：
今次我地就简左清江鱼香辣味， 烤鱼系原条上的，大条厚身，而且外皮会煎得非常香脆，食落会有啖啖焦香味，好香口，而且鱼肉唔柴又少骨，配料仲有大量芫荽，豆皮同莴笋等, 真系非常满足。
食完条鱼如果觉得仲想试下其他二款煲都可以点埋任食，真系比你话事，想点食都得!
第三食 – 火锅
火锅就有
第二食 – 清江鱼
烤鱼就有四款口味比你简(麻辣味、香辣味、酸辣味、酱香味)：
今次我地就简左清江鱼香辣味， 烤鱼系原条上的，大条厚身，而且外皮会煎得非常香脆，食落会有啖啖焦香味，好香口，而且鱼肉唔柴又少骨，配料仲有大量芫荽，豆皮同莴笋等, 真系非常满足。
食完条鱼如果觉得仲想试下其他二款煲都可以点埋任食，真系比你话事，想点食都得!
第三食 – 火锅
火锅就有10款汤底比你选择，而且仲可以免费升级鸳鸯锅，今次就简左蕃茄薯仔同麻辣鸭血汤底。除左可以去自助区简火锅配料之外，仲可以QR CODE 落单，有非常多选择!!
火锅种类都唔输蚀，肉类海鲜类都非常多选择，包括脆鲩鱼片、活海虾、帆立贝、活海蚬、吊桶仔和墨鱼， 梅头片，鲜牛等，牛柏叶..等。而且仲有凉拌小食简!!!真系花多眼乱，食材都非常新鲜同埋落单后都非常快就上齐，值得一赞。
呢到真系聚脚好地方， 除左7小时任食仼坐仼饮同埋无限量之外，饮品同雪糕雪条款式都好多选择，真系一个价钱就可以满足洒3个愿望， 非常推荐!!
📍 二锅头 (福苑) (旺角)
旺角西洋菜南街138号福苑2楼
张贴
