夏麵館 (寶石大廈) (已結業)

最近系荃湾做野，日日都有机会试新野！平时系港岛返工，食个普通午餐真系要$100，荃湾区平好多！夏面馆星期一至五，午市套餐四人同行就一人免费，午市套餐$60-$70，计返每日都唔洗$60！午市套餐包一款前菜，可拣凉菜或点心类，主菜有面有饭有上海年糕，再包埋饮品，豆腐奶茶柠茶冻热都可以！今日前菜拣左菜肉云吞，个皮比较厚，个人比较钟意食簿皮嘅！主菜叫左猪扒担担面，叫少辣，面好大碗，猪扒都好大块，真系无办法食得晒！个汤底几好味，面都好好食，猪扒新鲜炸好好食，不过太肥喇，唔敢食晒！跟餐嘅热豆浆都ok，少少甜啦！至于服务呢，侍应们都好忙，因为繁忙时间，赶住收晒d野咁。