影片
更多
2024-06-11
7846 浏览
🇹🇭🍲🥢超抵食一人一锅泰式火锅🍲汤底呢度嘅汤底都有八款选择，但系嚟到泰式火锅店梗系拣泰式嘅汤底，起码出面冇得试。我哋就拣咗冬阴功汤底同埋椰奶鸡汤汤底，两款味道都唔错。🥩肉肉如果选任食嘅话就三百几蚊，如果定食嘅话就平好多，$88起就有，但都有分70分钟、120分钟及无限时，定食套餐亦都可以加几十蚊变做无限肉，但系只会俾你落𠮶个套餐嘅肉。例如你叫嘅系牛胸肉套餐，你只可以任食牛胸肉。🧂调味料区呢度嘅配搭非常丰富，除咗基本嘅芫荽、葱、指天椒、蒜蓉、蒜片、炸蒜、麻酱、酱油，更加有芝士粉、冬阴功酱、花生粒、菜脯、黑椒碎等。除此之外，亦都有泰式嘅酱汁提供，例如泰式绿椒汁、泰式特制汁、泰式沙律汁等。🍥配料区就算叫最平嘅定食选项，呢个配料区都系任食。选择都有好多，蔬菜类嘅有油麦菜、生菜、娃娃菜、芽菜、莴笋、菜苗等。菇类亦都有金菇、冬菇、秀珍菇等。另外素菜类亦都有豆腐、虫草花、木耳、南瓜、粟米、莲藕、蒟蒻等。至于肉类，亦都有超多选择，丸类有龙虾丸、鱼蛋、猪肉丸、蟹籽丸、炸三文鱼丸、牛丸、墨鱼丸等，另外亦都有芝心包、海鲜三文治、泰式鱼饼、芝士南瓜饼、狮子狗、炸鱼片头、芝士豆腐。！！仲会有虾提供。🥘热食有一锅
超抵食一人一锅泰式火锅
🍲汤底
呢度嘅汤底都有八款选择，但系嚟到泰式火锅店梗系拣泰式嘅汤底，起码出面冇得试。我哋就拣咗冬阴功汤底同埋椰奶鸡汤汤底，两款味道都唔错。
🥩肉肉
如果选任食嘅话就三百几蚊，如果定食嘅话就平好多，$88起就有，但都有分70分钟、120分钟及无限时，定食套餐亦都可以加几十蚊变做无限肉，但系只会俾你落𠮶个套餐嘅肉。例如你叫嘅系牛胸肉套餐，你只可以任食牛胸肉。
🧂调味料区
呢度嘅配搭非常丰富，除咗基本嘅芫荽、葱、指天椒、蒜蓉、蒜片、炸蒜、麻酱、酱油，更加有芝士粉、冬阴功酱、花生粒、菜脯、黑椒碎等。除此之外，亦都有泰式嘅酱汁提供，例如泰式绿椒汁、泰式特制汁、泰式沙律汁等。
🍥配料区
就算叫最平嘅定食选项，呢个配料区都系任食。选择都有好多，蔬菜类嘅有油麦菜、生菜、娃娃菜、芽菜、莴笋、菜苗等。菇类亦都有金菇、冬菇、秀珍菇等。另外素菜类亦都有豆腐、虫草花、木耳、南瓜、粟米、莲藕、蒟蒻等。
至于肉类，亦都有超多选择，丸类有龙虾丸、鱼蛋、猪肉丸、蟹籽丸、炸三文鱼丸、牛丸、墨鱼丸等，另外亦都有芝心包、海鲜三文治、泰式鱼饼、芝士南瓜饼、狮子狗、炸鱼片头、芝士豆腐。！！仲会有虾提供。
🥘热食
有一锅冬阴功汤可以任饮，另外亦都有白饭提供，旁边会有菜心、泡菜、蛋咖喱烩虾及泰式肉碎提供，蛋咖喱味道吾错，而泰式肉碎更加可以自己整成生菜包就甘食😋
🧃饮品
选择都几多，有自家制嘅柠檬香茅水，亦都有唔少纸包及罐装饮品，例如解茶、汽水、竹蔗茅根、黑糖姜母茶等。
🍦雪糕雪条
午市冇咩甜品选择，主要系有几款雀巢嘅雪条。
张贴
