影片
更多
2013-06-07
167 浏览
住系深水埗或者系黄金电脑商场附近返工既人，应该无人唔识呢间上海万家村小厨既抵食下午茶餐吧~有几抵?! 2个生煎，加大碗面 & 饮品(豆浆 or 热饮，冻饮加$2)，只系$24，如果要炒类则$28起，面基本可自由搭配，选一味𩠌，排骨，回锅肉，熏鱼，水饺，牛肉等等 / 拉面，担担面，上海面，担担拉面任你拣!! 呢个年代，$24一碗面都已经唔过份啦，净一个上海炒粗都收你最少$40啦， 所以佢真系平到无晒朋友架啦~今日下午无食lunch就系等到两点黎呢度食 tea，整完只手表行过去，去到约两点半，今日竟然唔洗等位，平时下午茶时间通常都要攞飞等架，可能同落雨有关吧!!今日落order竟然等左十分钟，因楼面只有一个新来不懂落单既姐姐，收银有一个忙紧，我无所谓唔赶时间，但有两个做银行既人则好心急了，之后是收银个个姐姐黎落单!!今日食回锅肉担担拉面，先黎左生煎包，其实佢既生煎包每次都系好好食，因为流量快，所以都系新鲜热辣辣既，猪肉嫰滑有肉香，包质感软熟，底部煎得香脆，点会唔好食先得架~其实食佢6,7个，绝不成问题，巧巧食的，有时会油少少，但今日就无!!等多阵碗面就黎左了，担担面汤底偏向杰身，有阵阵花生
今日下午无食lunch就系等到两点黎呢度食 tea，整完只手表行过去，去到约两点半，今日竟然唔洗等位，平时下午茶时间通常都要攞飞等架，可能同落雨有关吧!!今日落order竟然等左十分钟，因楼面只有一个新来不懂落单既姐姐，收银有一个忙紧，我无所谓唔赶时间，但有两个做银行既人则好心急了，之后是收银个个姐姐黎落单!!今日食回锅肉担担拉面，先黎左生煎包，其实佢既生煎包每次都系好好食，因为流量快，所以都系新鲜热辣辣既，猪肉嫰滑有肉香，包质感软熟，底部煎得香脆，点会唔好食先得架~其实食佢6,7个，绝不成问题，巧巧食的，有时会油少少，但今日就无!!
等多阵碗面就黎左了，担担面汤底偏向杰身，有阵阵花生香味，咸度适中，很不错的;而面本身也软硬适中，口感佳，真系一口接一口雪雪声放入口里，正;回锅肉则分碟上，份量不算多，但以汤面黎讲，已经是不少了~此回锅肉很冶味，够锅气，椰菜爽脆，薄薄既五花腩肥瘦度刚好，汁液浓郁，正是上海菜既浓油赤酱，岩晒我既口味!!!食完面都忍唔住饮多几啖汤至罢休~冻柠茶好迟先送上，一般甘啦!!
其实呢个下午茶系我食过最抵食之一既餐，平价之余仲要质素keep到系好，味道正中，份量足，真系难得，唔怪得下午茶同晚市都经常要排队;甘当然，成日话，喂，甘平，唔好要求甘多啦，讲明先，我无要求呀，我收货有余了，因为自己食开，知道晒个驾部，对街坊熟客黎讲系无问题，但对于街外生客来说呢，我就觉得有啲野有改善空间既，以今次为例，其实只7成满，而大部分人都在进食，只有两枱客人要落单，但也要等十分钟，或者有人放假 or 行开左吧，但当时水吧骤眼看好似有员工闲着~之后黎既客就无等甘耐!!但我还是觉得人手安排好一点或员工补位好一点，甘就唔洗客人等太耐，我亦都唔介意佢加价一两蚊，老板可以俾多少少员工令佢地有点微笑，哈~
张贴
