意歐

营业中

休息中

同朋友喺旺角行完街之后想揾啲嘢食，于是走咗去女人街望吓，见到呢间舖头嘅下午茶价钱真系吓一跳，竟然仲系我中学时候出去食饭既价钱，见啲野食好似都唔错，就决定入去试下。入面人流都几多，所以要等左阵先有位。不过佢里面啲枱好密，坐嘅位置都比较窄，坐得唔系咁舒服。餐牌上面嘅选择都几多，而且下午茶套餐劲抵，最平只系30几蚊，就可以叫到一个主食加汤、多士同饮品。🎈罗宋汤及多士佢嘅罗宋汤蔬菜都几多，而且味道都浓，算系唔错。但系佢嘅多士就整得好干，咬落口好似食饼干咁，都几脆既😅🎈卡邦尼长通粉店员话冇晒长通粉嘅关系，帮我哋转左做意粉。呢个意粉嘅份量几多，但系味道比较淡，蛋味较突出，烟肉嘅份量唔多。🎈铁板牛仔柳配蛋沙律焗薯佢嘅牛肉已经切开一粒粒，所以几方便食，但系味道就真系好普通，反而个焗薯算系唔错，有蛋黄酱同埋鸡蛋碎，但系食到落底就会干咗少少。整体来讲，哩间餐厅算系几抵食，但系一分钱一分货，你预咗佢咁平嘅话，味道都唔会真系去到好好，不过都算系一个平价嘅下午茶选择嚟嘅。