影片
更多
2021-11-04
339 浏览
-🦄PIZZA EXPRESS @pizzaexpresshk-前几日食完Donki寿司之后 夜晚走咗去食Pizza简直系超级无敌大Cheat Day 完全放弃治疗了-好彩当日我哋比较早入座 食完出嚟真系排哂长龙架-我哋简咗个二人套餐 再另外单点一啲小食二人套餐包括咗1款头盘 2款主菜 2杯饮品♦️二人套餐 Hkd289▪️Rating🌕🌕🌕🌑🌑-当日适逢万圣节🎃餐厅仲免费送咗1碟小食真系好有万圣节气氛 同埋送上小惊喜 好有心思👍🏻♦️焗面包球 Baked Dough Ball▪️Rating🌕🌕🌕🌕🌑-万圣节小食就应该系餐厅好出名嘅焗面包球面包球胀卜卜又软绵绵咁 好CuteCute🤣呢个大细真系刚刚好 可以一口接一口咁食配上忌廉食又唔会太腻 甜度恰到好处面头嘅饼干系类似姜饼嘅口感同埋味道不过旁边嘅朱古力味道就一般 唔系太香醇♦️法边豆焗蘑菇 Fine Beans w Wild Mushroom▪️Rating🌕🌕🌑🌑🌑-头盘我哋就简咗呢款热辣辣嘅法边豆加蘑菇不过讲真都有啲失望 佢蘑菇嘅份量超级少好似一粒蘑菇再切开做好多粒咁 蘑菇控唔满足而且佢法边豆嘅味道都偏油 虽然我知道佢系焗但系以焗嘅形式去烹
🦄PIZZA EXPRESS @pizzaexpresshk
-
前几日食完Donki寿司之后 夜晚走咗去食Pizza
简直系超级无敌大Cheat Day 完全放弃治疗了
-
好彩当日我哋比较早入座 食完出嚟真系排哂长龙架
-
我哋简咗个二人套餐 再另外单点一啲小食
二人套餐包括咗1款头盘 2款主菜 2杯饮品
♦️二人套餐 Hkd289
▪️Rating🌕🌕🌕🌑🌑
-
当日适逢万圣节🎃餐厅仲免费送咗1碟小食
真系好有万圣节气氛 同埋送上小惊喜 好有心思👍🏻
免费小食
17 浏览
0 赞好
0 留言
♦️焗面包球 Baked Dough Ball
▪️Rating🌕🌕🌕🌕🌑
-
万圣节小食就应该系餐厅好出名嘅焗面包球
面包球胀卜卜又软绵绵咁 好CuteCute🤣
呢个大细真系刚刚好 可以一口接一口咁食
配上忌廉食又唔会太腻 甜度恰到好处
面头嘅饼干系类似姜饼嘅口感同埋味道
不过旁边嘅朱古力味道就一般 唔系太香醇
♦️法边豆焗蘑菇 Fine Beans w Wild Mushroom
▪️Rating🌕🌕🌑🌑🌑
-
头盘我哋就简咗呢款热辣辣嘅法边豆加蘑菇
不过讲真都有啲失望 佢蘑菇嘅份量超级少
好似一粒蘑菇再切开做好多粒咁 蘑菇控唔满足
而且佢法边豆嘅味道都偏油 虽然我知道佢系焗
但系以焗嘅形式去烹煮都可以好健康 可以少油架
所以整体嚟讲 呢款前菜未系深得我心 少失望😕
-
♦️皇后薄饼 La Reine
▪️Rating🌕🌕🌕🌑🌑
皇后薄饼
9 浏览
0 赞好
0 留言
因为餐厅当日所有鸡肉嘅薄饼都暂停供应了
所以我哋就简咗呢款皇后薄饼 听个名就好霸气
佢主要嘅材料有Mortadella 即系摩特黛拉火腿
配上蘑菇粒 黑橄榄 Mozzarella芝士同埋番茄酱
用料比较简单 不过整出嚟卖相都唔差架 几靓🥳
呢个Size绝对够2-3人食用 薄饼配上满满番茄酱
每一啖都会食到番茄酱加芝士 唯一美中不足嘅
就系佢只有薄批嘅选择 如果有厚批会更完美呢
-
其实我都睇到厨房嘅Chef默默系到搓薄饼
唔知佢哋一日要搓几多份薄饼呢 谂起都觉得攰
不过无可否认 佢哋嘅面包类制品系好食嘅
-
♦️意式牛肝菌蝴蝶粉 Farfalle ai Porcini
▪️Rating🌕🌕🌕🌑🌑
另一款主菜 我哋就选择咗食Pasta 淀粉质万岁
蝴蝶粉再加上牛肝菌 配上淡淡嘅蘑菇汁
值得一赞嘅系 蝴蝶粉口感上做得唔错
要知道煮意粉嘅时间 拿捏得唔好就会Fail
所以呢个蝴蝶粉软硬适中 唔错 不过味道太淡
可能系用咗蘑菇汁嘅关系 基本上…真系无咩味
又或者餐厅想突出牛肝菌嘅原汁原味 唔加太多汁
不过牛肝菌份量都唔少 如果味道上再作调整
可以稍微重口味啲啲 整体感觉会比较好呢🤪
-
♦️有营茄子沙律 Leggera Eggplant Hkd142
▪️Rating🌕🌕🌑🌑🌑
有营茄子沙律
$142
25 浏览
0 赞好
0 留言
额外单点咗一份沙律 我完全系冲著茄子而叫的
不过真心好失望 因为啲茄子真系好苦 怀疑人生了
苦到我皱哂眉头 所以最后食剩两块茄子浪费了
车厘茄都唔太鲜甜 但系啲沙律菜都尚算新鲜嘅
再配上藜麦同埋枝豆仁 令到口感变得丰富🤓
整体而言 呢个沙律我个人就唔系太推荐
输咗系茄子到 明明我系因为个茄子 先会落单架
-
♦️是日餐汤 南瓜汤 Pumpkin Soup Hkd58
▪️Rating🌕🌕🌕🌕🌑
南瓜汤
$58
4 浏览
0 赞好
0 留言
最有惊喜嘅 竟然系呢个南瓜汤 真系超好饮
热辣辣嘅南瓜汤 微甜嘅味道 入口好舒服
南瓜汤
$58
7 浏览
0 赞好
0 留言
相信佢唔系用粉冲调 而系有用到真正嘅南瓜
呢种鲜甜嘅南瓜味 真系无得输 可惜份量太少了
而配埋旁边嘅面包条 软熟 南瓜汤真系必叫
-
其实 @pizzaexpresshk 有好多素食嘅选择
呢一点我都系几惊喜嘅 照顾到唔同人士嘅需要
而佢哋嘅2人套餐 其实份量都几多 价钱相宜
所以叫套餐真系抵过单点好多 食物质素正常
有好多可以进步嘅空间 不过绝对系抵食之选
-
张贴
