食葩

营业中

休息中

以前已经去过几次食葩食午餐。之前系去旧店。佢搬咗新店之后都系第一次去。佢新店同旧店嘅装修差唔多一样。之前第一次去帮衬嘅时候，系有个朋友话呢间嘅面好味，所以我去试吓。食完之后，原来真系好好味，D面好弹牙！我今次试咗猪手汤面🍜，同鲜鱼汤饭。鲜鱼汤饭都好好味，鱼汤好鲜味！😋汤面嘅面质好𪪼牙，除咗个面好食之外，碗面入面嘅生菜都煮得好好。通常一D面店佢碗面入面条菜都系可能渌咗好耐。但系呢间唔系，佢面入面嘅生菜系好翠绿，好新鲜😍一D都唔妈虎。呢样真系值得一赞👍呢间系一间客家风味嘅小店。有客家汤：枸杞汤、益母草汤、胡椒猪肚汤。虽然呢间元朗小店，店舖唔系好靓，地方唔系好大间。但系佢嘅食物质素，绝对系唔差得过一D出名嘅面店。