御名軒

营业中

休息中

最近我去咗附近嘅工展会，玩完之后就想揾个地方食饭。朋友推荐去天后御名轩，真系好惊喜！入到酒楼，发觉都满座，晚餐价钱真系好抵食，几款优惠同时可以一齐用，劲抵食。最吸引我嘅系佢哋嘅特别优惠，$1就可以食到红烧鸡丝翅，性价比高到无得输！呢道红烧鸡丝翅虽然平，但味道完全唔马虎。鸡肉滑嫩，汤汁浓郁，够哂足料。禁冻既天气当然要叫羊腩煲暖身，仲有生菜送。羊腩肉质超嫩，汤底味道浓厚，枝竹吸收晒羊腩煲嘅精华，好好味。生菜清脆，正好可以中和羊肉嘅油腻，食完真系好满足，特别系冬天食。另外，鲍鱼扣鹅掌晚市优惠只需$108，实在超值！鲍鱼4大粒，大只爽弹，鹅掌好入味，食落嫩滑，骨肉劲易分离。酱汁调得刚好，令整道菜更加丰富。我哋仲叫咗金银蛋菠菜，色彩好靓，咸蛋同皮蛋嘅搭配增添咗风味，菠菜新鲜，令菜式更加健康。呢道菜不止好睇，味道都唔错。