熊貓小雲吞 (海富商場)

营业中

休息中

睇完一个有关张国荣嘅展览就系附近揾野食，行下行下嚟到于大角咀海富商场嘅熊猫小云吞🐼🍲，呢间餐厅主要系食川菜，最出名系佢哋嘅云吞同面，价钱都好平民化 💰。今次我哋两个人食咗三人餐，唔使怕肚饿啦！🤤主菜有3样，首先系一口豚肉粟米云吞配蕃茄汤底 🐷🌽🍅。云吞馅料饱满😋跟住系油葱酥肉燥热捞面，我拣咗幼面 🍜。面条好弹牙，加上肉燥同花生、芫荽同炸黄豆等配料，好满足。记住要留意衬热食，冻咗就会变得干身啦！🌶️最后一款主菜系老北京担担面，我拣咗唔辣，味道同外面嘅担担面略有不同 🍜。面条粗身，汤底更多菜脯、花生同花生嘅滋味，令人垂涎欲滴。不过系啲食开辣嘅可能会觉得少咗啲刺激，下次都系试BB辣。🤔餐厅嘅小食非常丰富，我特别推荐佢地嘅芝麻盐焗手撕鸡 🐔🧂。啲鸡肉好滑嫩，食落有盐焗鸡味，个底仲有青瓜丝，真系好好味！另外，凉拌海带丝 🌊🥢 亦都系唔错嘅选择。佢嘅酱汁酸酸辣辣，食落去几爽口，十分适合夏天食用。啱啱食完辣嘅野，要食个凉嘅甜品解解辣，我地叫咗个家制熊猫凉粉。凉粉清凉冰冻，食落去滑口爽滑，加埋蜜糖，味道清甜！🍧🍯饮品有3枝:香桃茶 🍑🍵：桃香嘅味道就好特出，一饮落口已经闻到浓浓桃香味，饮落唔会觉得太甜。