古早牛肉麵 (已結業)

未有得去台湾旅行，唯有食下台湾菜止下瘾。见到铺头装饰偏台湾怀旧风，价钱仲要好合理，即刻比佢吸引。下午茶餐牌价钱超优惠，仲包一杯热饮。特登问过店员，下午茶份量同全日餐牌系一样！卤水大肠面线：卖相同台湾食到既一样。惊喜位系大肠份量好多！大肠洗得干净又卤得入味，足料又好味，推荐！特盛台湾牛肉面：拣左牛骨汤米粉汤底。眼见已经好足料，而且牛骨汤底好浓味，必试！叫左三款小食，套餐配既甘梅地瓜条只需要加$16。地瓜条香甜脆口，唔会太干身，一条一条食唔停口。台式小香肠如果加埋蒜片就更好。起司蛋手抓饼本身以为会好普通，点知食落带咸香，又几惹味。餐饮叫左无糖乌龙茶总括成餐饭真系超抵食，本身想食埋仙草冻甜品，但实在太饱，唯有等下次再食。