宴 尖沙咀

同事约咗我放工后食日式放题。呢度嘅环境好舒服，好适合放工后嚟呢度放松食嘢，而且服务到好好。我哋拣咗「松餐放题」套餐，超抵！呢套餐唔包括饮品，饮品需要另外叫。佢哋嘅营业时间系星期一至六开到03:30，生意好到做埋宵夜时段，半夜肚饿想食唔晒惊揾唔到食啦！我同同事一人一碟三点刺身😆唔驶争。佢哋嘅刺身好新鲜，点少少佢哋嘅wasabi,佢哋Wasabi真系好呛所以少少就够，除非你钟意刺激🤣 火锅汤底就有酱油汤同埋猪骨汤，个味道好日式，落咗其他材料直接好好饮。特上宫崎和牛油花好靓，食到好滑，渌几下就可以食啦。佢哋嘅豚肉好肥美，最钟意配酱油汤一齐食，味道好夹，而且厚度啱啱好，唔会好难咬。同埋鸡肉好鲜嫩多汁，份量中唔少，好鲜甜。佢哋嘅松叶蟹好新鲜，肉质好Q弹，唔会散散咁，我哋两个女仔食唔停，因为实在太好食啦🤣 最后仲加咗日本米粥食，因为嘅汤真系太鲜甜啦，可以话系一啖接住一啖食！下次一定要带屋企人嚟呢度食，因为真系太抵食啦！