宜家家居餐廳及咖啡室

营业中

休息中

呢日唔洗返工, 于是谂住去沙田嘅宜家食早餐。餐厅唔太多人, 好快已经揾到位。去过宜家食野都知, 呢度系自助式, 要自己拎餐盘行去柜台叫野食, 叫完再一次过俾钱。叫咗一个23蚊嘅早餐精选, 连埋一杯热茶。早餐入面有薯饼、鸡扒、蕃茄、炒蛋同埋烟肉。薯饼非常香口, 炸得唔会过硬, 咬落好脆。鸡扒都算大块, 扒入面有唔少油份, 所以食落唔会太干。烟肉同蛋就属于正常水平, 至于蕃茄就起到中和油腻嘅作用。23蚊可以食到一set早餐, 实在超抵食。加上佢采取自助式嘅设计, 自己食完要将餐具放返去回收区, 可以训练埋自律性。