Masala Hut & Cafe (已結業)

今日下午因为要到尖沙咀做嘢，而咁啱朋友又喺附近返工，所以就约埋朋友喺尖沙咀食下lunch，因为平时都系食茶餐厅所以今日就试吓食印度餐。呢间印度餐比较特别嘅系佢系buffet形式，只系百零蚊嘅价钱就有好多唔同种类嘅印度地道小菜，而且仲有沙律等等真系超值。餐厅准备嘅食物非常之多，有炸鱼，印度烤鸡，咖喱羊肉，咖喱杂菜，仲有好特别嘅印度饭，除此之外店员仲会为我哋准备一个薄饼，用嚟配咖喱真系一流，薄饼焗得好香脆可口，而且充满牛油嘅香味，真系要一试再试，之后店员仲话我哋送上一个类似pancake嘅薄饼，里面仲有薯仔做馅料，第一次食咁样嘅pancake，好好食仲有少少辣味，好快我哋已经填饱左个肚，餐厅店员都会主动问我地觉得食物质素点样，而且餐厅店员嘅服务质素都非常之好，最后仲问我地想饮啲咩，我朋友点左杯可乐而我就点左柠檬梳打，餐厅所整嘅柠檬梳打非常之好饮，唔太酸之余食完一啲重口味嘅食物再饮番一杯柠檬梳打感觉个口腔即刻好清新。估唔到只系百零蚊嘅价钱已经食到咁地道嘅印度菜，而且系任食，好多嘢食都真系好好味，可惜今朝早餐食得太饱如果唔系真系要同佢血拼到底，如果下次有机会出尖沙咀，一定会再嚟食呢间物超所值嘅