發哥粥底海鮮火鍋 (已結業)

近排天气一冻就好想打边炉，即晚约友人特登嚟大围发哥食粥底海鲜火锅。开胃小菜系花生同青瓜各一碟。除咗有多款汽水外，连竹蔗水都系任饮，清凉又解渴啱晒打边炉。炖汤嘅汤料好足，有姬松茸、螺头、鸡脚等，好清甜好好饮。新鲜鲍鱼上台时仲识郁，咬落口感结实好爽口。我哋今次拣咗龙虾餐，海鲜成盘一次过上好有份量。先试下龙虾先，虾肉肉质好爽脆，味道好鲜甜好好味！蛏子皇大大只，咬落好爽口。多宝鱼虽然有骨但好易食，鱼肉好嫩滑。多款贝类都无沙好新鲜。海虾每只都用竹签串起，方便剥壳好贴心。安格斯牛肩肉牛味好浓好鲜嫩。火锅配料每台都可以拣八款，份量啱啱好一定够饱。最后可以叫伺应加粥底配料落汤底，啲粥吸咗多款海鲜嘅精华清甜又好饮。