肉肉強食 by 鋒膳 (已結業)

网上揾到长沙湾肉肉强食 by 锋膳 有抵食扒餐，全日冇加一，用料讲究，挑选纽西兰 Affco牛肉及美国大草原自然猪扒等无激素肉类，坚持绝不采用松肉粉及食粉腌制。吸引到我和同事放工过嚟试吓！餐厅内里的布置有点怀旧感，最熟识系卡座和红白格仔枱布，令人勾起少年回忆。纽西兰羊架用热辣辣铁板盛载上枱，有三大块份量十足，纽西兰羊是草饲羊只及天然放牧，无使用激素，肉质鲜嫩，倒入黑椒汁即时香气四溢，（可选酱汁,黑椒或洋葱或蒜蓉汁），辣辣哋好惹味，配咗薯条好香脆。铁板餐美国鸡扒，大大块鸡扒厚身肉嫩，配黑椒汁和意粉，啖啖肉越食越滋味！加22蚊升级做套餐，就包埋餐汤、牛油餐包、白饭/意粉/薯条、餐饮同甜品（雪糕或啫喱）。我最钟意佢哋嘅忌廉汤，有粟米和磨菇，口感好creamy！红豆冰，红豆煮得够淋身，仲唔会过甜，仲有阵阵炼奶香！云呢拿雪糕滑溜，不会太甜。芝士汉堡包，汉堡扒以 Affco 牛柳、西冷同肉眼 搅碎而成。并混以自家调味料、洋葱及蛋。汉堡扒肉汁丰富，配埋香浓幼滑嘅半溶芝士和松软嘅包，重有香脆薯角，真系好满足。