三井飽餅專門店

营业中

休息中

依家啲面包真系愈卖愈贵，真系贵到离晒谱。好多地方，普通一个肠仔包都可以卖到成$8，有啲包成十蚊一个，仲要唔好食，食两啖就无，好似食左阵风咁，所以除非真系乜都无得食，劲少帮衬美心，埾安娜个啲连锁店，一黎本人一向支持小店，无论买日用品，去cafe饮咖啡，食嘢都好，尽量去小店帮衬下。二黎，连锁店啲包真系麻麻，可能一早整好晒放喺度卖。唔似啲小店，热哄哄攞出黎卖。入正题，三井就系帮衬开的面包铺，平过连锁店好多，一个菠萝包卖$3，每次买都系暖既，食落个菠萝皮仲碎口，成个包都好软熟，唔似食左阵风落口。其他包都系$5, $5.5左右，好抵食，最紧要仲系好新鲜。不过唔知点解，我最钟意食佢既菠萝包，真系好少地方咁好食。有既，但可能啲茶餐厅卖成十几蚊一个。仲有，佢个花生糯米滋都好正，大大粒，$3/粒。个皮好软熟，啲涵劲大，花生大大粒，有几粒，加埋沙糖，花生碎，好香好正。其实，黄大仙有两间三井，都几近下。个人觉得呢间好啲，特登返工前行远小小帮衬呢间。可能呢间人流旺啲，啲包出得密啲，所以比较新鲜同暖身啲佢既店员都好有礼貌，有时买一个菠萝包，收谢都会同你讲声多谢。