八幡平石燒牛扒專門店 (Eastmark)

营业中

休息中

再次嚟到位于九龙湾工厂区嘅八幡平石烧牛扒专门店。呢间餐厅最大特色系你点完一份石烧肉，其他配料包括沙律、洋葱萝卜牛肉汤、同埋白饭都系任食。石烧肉类方面，有牛、猪、鸡任君选择。牛肉又有唔同种类，唔同重量，视乎你想食几多同食几贵，丰俭由人。配菜方面，沙律有芝麻酱同和风酱选择。至于牛肉汤就非常足料非常好味，成盘汤入面有好多萝卜同洋葱任你装。白饭又可以自己配饭素，等你食嘅时候，味道冇咁寡。今日有啲肚饿，所以拣咗270g嘅八幡平招牌牛扒（$125）。之前试过各种唔同款式嘅牛扒，觉得呢一只最抵食，大家可以由呢一只试起。配埋沙律汤同饭真系非常满足。