貴緣小鍋米線 (崇潔街) (已結業)

好耐冇介绍过云南米线 今次呢间系土瓜湾名物🍜 六点半嚟到 已经全部爆满咁济😮 堂食用QR code落单 方便又快捷😍特浓新鲜番茄汤呢碗我地嗌咗米线 汤底要小辣 番茄汤味道鲜甜 真系有新鲜番茄喺入面㗎🍅 配料方面拣咗猪软骨 肥牛同埋腐竹 我就最钟意猪软骨 煲到好腍🐷 大件又好入味招牌酸辣汤呢碗个主食系红薯粉 汤底同样嗌咗小辣 红薯粉烟烟韧韧 酸辣嘅味道唔算太酸 就算饮个汤底都唔会涸喉🫢 配料方面有秘制腩肉 卤水大肠同埋萝卜😙 萝卜冇渣又清甜 秘制腩肉真系必点🥰 个味道调配得啱啱好 好啱我胃口贵缘鸡丝火山呢个真系成座火山咁🌋 份量多 除咗鸡丝之外 仲有少量炸菜同辣椒🌶️ 但味道唔会好咸好辣 所以即使份量多 都可以轻松食晒😎麻辣猪肚丝呢碟嘅辣味好足😙 猪肚切到一条条 好方便进食 钟意食辣嘅朋友我推介呢个小食饮品 杯装豆浆味道唔会太甜 同米线好夹🥛玉露绿茶味道清香 解辣🍵总括嚟讲呢间米线几足料🥰 难怪系土瓜湾名物啦 配料方面我就最欣赏秘制腩肉同埋萝卜🥕