Homeland (東昌街) (已結業)

今日入大埔踩单车，喺东昌街附近还车后，睇见对面有间门面几特别嘅西餐厅［HomeLand］，望见入面气氛好靓，就决定入去食扒。分别叫咗西冷扒同猪肋骨，西冷扒拣七成熟，包埋龙虾汤同饮品。鲜浓味嘅龙虾汤好好饮，热辣辣又劲滑，西冷扒肉质弹牙又大块，应该都有1cm厚，肉质口感好丰富，伴碟嘅薯蓉有芝士味，食到停唔到口。而朋友嘅猪肋骨份量都吾细，肉质唔会太干，又无雪藏味，猪肋骨伴碟嘅系薯条炸得好脆惹味，吾系炸咗一排放埋一边𠮶啲软薯条。呢度位于大埔墟横街仔，但胜在环境幽静气氛好，系可以令人放松喺食饭倾偈好地方，值得再试。