影片
更多
2020-03-24
1177 浏览
住咗西环几年都无发现呢间不起眼嘅小店，琴日无聊睇吓附近有无良心小店试下，发现咗佢。（HKU站B1出口过对面马路，系津津前面转左第一个铺位就系）30蚊两个𩠌，38蚊三个𩠌送例汤。阿姐同伯伯都好好服务，因为我有啲偏食，会问佢地呢个系咩，果个系咩，佢地都好耐心回答，而且满面笑容～食物方面，都几多选择：鱼同菜都都有几种，猪扒鸡扒又有，仲有萝卜炆牛（我唔食牛所以无叫）我自备饭盒，伯伯装好多饭比我，旧鱼都好大好多肉！鸡扒啱啱煎好，仲好金黄好脆（就算返去有点焗软咗，无皮个面都仲系好脆），本身怕啲鱼会腥同唔够味，结果好鲜，调味都啱啱好。菜都唔系白烚，似屋企煮个啲。例汤系冬瓜薏米扁豆汤，应该无味精。女仔可以叫少饭。基本上就系住家饭嘅味道～食得到嘅心机同健康（唔油唔会太咸，又好足料完全唔会因为价钱而比得少）住港大附近钟意叫外卖嘅朋友一定要去试下～
30蚊两个𩠌，38蚊三个𩠌送例汤。
阿姐同伯伯都好好服务，因为我有啲偏食，会问佢地呢个系咩，果个系咩，佢地都好耐心回答，而且满面笑容～
食物方面，都几多选择：
鱼同菜都都有几种，猪扒鸡扒又有，仲有萝卜炆牛（我唔食牛所以无叫）
我自备饭盒，伯伯装好多饭比我，旧鱼都好大好多肉！鸡扒啱啱煎好，仲好金黄好脆（就算返去有点焗软咗，无皮个面都仲系好脆），本身怕啲鱼会腥同唔够味，结果好鲜，调味都啱啱好。菜都唔系白烚，似屋企煮个啲。例汤系冬瓜薏米扁豆汤，应该无味精。女仔可以叫少饭。
基本上就系住家饭嘅味道～食得到嘅心机同健康（唔油唔会太咸，又好足料完全唔会因为价钱而比得少）住港大附近钟意叫外卖嘅朋友一定要去试下～
张贴
