漁稼

营业中

休息中

之前朋友带过我哋呢头食嘢知道呢条街都好多舖头，今日见到呢间新开嘅食川菜好似几抵食，所以试吓。一份酸菜鱼都只系$198 ，喺铜锣湾嚟讲都真系好平。佢啲鱼片都算多，亦都算系滑，配菜都唔少有莴笋芽菜同埋莲藕。食酸菜鱼最重要就系试埋个汤，所以叫咗个饭嚟整汤饭，一个𩠌两个食法～另外叫咗个担担面，佢个担担面好香花生酱味。啲面都好弹牙，系唔错嘅。另外见到佢啲串烧都好抵食，所以叫咗三串嚟试吓，分别有谷饲和牛，鸡腿肉同埋翠玉瓜。焗鸡肉都几滑，个牛都几腍。另外仲叫咗个锡纸娃娃菜，不过佢呢一个就真系系食菜嘅味道，原汁原味。最后嘢饮方面，我哋叫咗荔枝茉莉茶同埋热情果茉莉茶，个甜度啱啱好，仲有啲果肉添。铜锣湾嚟讲食咁样嘅份量都算系抵食架啦。