爆汗串串 (已結業)

天气转凉 又系令人怀念食麻辣嘅季节🤭 今次我哋就拣咗旺角呢一间麻辣串串放题 食个够本😆 呢到夜晚都几多人食架 因为价钱都几亲民 食物种类好多👍🏻 除咗有基本嘅麻辣串串 仲有唔同款式嘅粉面 小食同冰粉👅如果一大班人泥食 有人又唔食得辣都唔使担心 佢地仲有秘制猪骨汤底可供选择 可以分两碗汤底上 咁就岩哂唔同口味嘅人😚 麻辣串串基本上大部分我地都叫左泥试🙊 汤底今次我哋就拣咗少辣 对我地泥讲其实都几辣 比较怕辣嘅朋友仔可以拣BB辣😆 我地觉得最正必点既分别系五花肉 肥肠 鸡软骨 成都小香肠 白萝卜等等 款款都超入味 辣到停唔到口👅面类方面我哋今次就拣咗成都猪肠面 汤底同样可以拣麻辣汤同猪骨汤 我哋当然试麻辣啦 味道比麻辣串串辣 不过咁浓麻辣香味既猪肠真系几好食🤩 面既口感都唔差小食我地就试左棒棒鸡 蒜泥青瓜同麻辣鸭血👅 每款都细细碟 一定唔会浪费 仲可以试多几款👍🏻 棒棒鸡用胡麻酱捞左鸡柳同青瓜 简单得泥好清新好食 系一个冇得输嘅组合😋 蒜泥青瓜加咗醋 甜甜酸酸好开胃又解辣😚 麻辣鸭血好入味 有3件可以过下瘾 鸭血配麻辣汁真系好夹🤩 最正当然系可以任食成都冰粉 甜甜的 好解辣🌟