影片
更多
2019-07-27
1481 浏览
佐敦旧舖帮衬过几次，今次第三次。预早两星期book位（打咗几次先有人接听，想食好野要比d耐性😉）新舖门外搭紧棚，遮住舖头名，差咗行过龙😂店内焕然一新，环境大几倍，唔驶坐到密质质。自取四款调味料，有蒜蓉/葱/辣椒/仲有一款唔知乜🤨有两款粥底可以拣：1. 肉蟹＋沙白蚬2. 波士顿龙虾＋沙白蚬（每位加二十蚊）我哋拣咗第一款，自选海鲜就要刀贝/多宝鱼/虾/鲍鱼，水准同旧舖一样，鲜味十足，就咁渌都食到甜味👍仲有八款配料可以食，如猪腩片/鸡件/淮山/蒿笋/菠菜猪肉饺/油炸鬼（必食！）个肚开始九成饱，不过，重中之重出现喇！全晚精华所在：海鲜粥，记得要留肚食！二百蚊，无加一，有火锅又有海鲜粥，抵到烂😜Tips：1. 限时，如果朋友迟到，仲要等埋先开始渌，一定食唔切，因为职员会准时赶人😂2. 自备湿纸巾，手＋筷子并用，唔用湿纸巾抹手会黐立立🙈
新舖门外搭紧棚，遮住舖头名，差咗行过龙😂
店内焕然一新，环境大几倍，唔驶坐到密质质。
自取四款调味料，有蒜蓉/葱/辣椒/仲有一款唔知乜🤨
有两款粥底可以拣：1. 肉蟹＋沙白蚬
2. 波士顿龙虾＋沙白蚬（每位加二十蚊）
我哋拣咗第一款，自选海鲜就要刀贝/多宝鱼/虾/鲍鱼，水准同旧舖一样，鲜味十足，就咁渌都食到甜味👍
仲有八款配料可以食，如猪腩片/鸡件/淮山/蒿笋/菠菜猪肉饺/油炸鬼（必食！）
个肚开始九成饱，不过，重中之重出现喇！全晚精华所在：海鲜粥，记得要留肚食！
二百蚊，无加一，有火锅又有海鲜粥，抵到烂😜Tips：
1. 限时，如果朋友迟到，仲要等埋先开始渌，一定食唔切，因为职员会准时赶人😂
2. 自备湿纸巾，手＋筷子并用，唔用湿纸巾抹手会黐立立🙈
张贴
