影片
更多
2020-12-14
2596 浏览
身为打边炉联盟嘅盟友，我发觉呢一年因疫症关系，打得太少边炉，趁住禁晚市堂食前同朋友打返个劲嘅边炉先！之后唔知要等到几时先再有得打🤷🏻♀️我地嚟咗观塘发哥食粥底海鲜火锅，点咗龙虾餐$288/位，除咗每人有半只龙虾外，仲有蛏子皇、贵妃蚌、多宝鱼、黄金蚬、海虾、元贝、安格斯牛肩肉，另外仲可以自选八款火锅配料，真系大满足，食到捧住个肚走！仲有竹蔗水同汽水任饮！特别一提，由于呢到冇酒牌，未有提供酒类饮品，但就可以自己带酒！免开瓶费。首先嚟脆花生、拍青瓜两个小食，边食边等水滚。呢到嘅粥底火锅好细心，先隔咗粥底，净用粥水打边炉，咁就唔会痴到啲食物满哂饭粒👍🏻姬松茸炖鸡汤每人一盅，味道香浓又清甜，而且好足料！冰镇鲍鱼，肉质弹牙，质感软腍，好鲜味！蒜蓉泰酱焗青口，好惹味！炸鱼皮好酥脆松化，同朋友当小食咁抢住食。海鲜拼盘份量十足，好有霸气！龙虾好大只，而且新鲜生猛，肉质雪白，味道鲜美；蛏子皇肉厚，鲜味弹牙；由于是夜未有贵妃蚌，就换咗鲍鱼俾我地，鲍鱼好活跃，仲啜住只虾😂元贝超大只，渌完都冇咩缩到水，好鲜甜！多宝鱼、黄金蚬、海虾都非常新鲜，呢个海鲜盘非常高质！安格斯牛肩肉，牛味香浓，油脂甘香，肉质嫩滑👍🏻日本
我地嚟咗观塘发哥食粥底海鲜火锅，点咗龙虾餐$288/位，除咗每人有半只龙虾外，仲有蛏子皇、贵妃蚌、多宝鱼、黄金蚬、海虾、元贝、安格斯牛肩肉，另外仲可以自选八款火锅配料，真系大满足，食到捧住个肚走！
仲有竹蔗水同汽水任饮！特别一提，由于呢到冇酒牌，未有提供酒类饮品，但就可以自己带酒！免开瓶费。
首先嚟脆花生、拍青瓜两个小食，边食边等水滚。
呢到嘅粥底火锅好细心，先隔咗粥底，净用粥水打边炉，咁就唔会痴到啲食物满哂饭粒👍🏻
姬松茸炖鸡汤每人一盅，味道香浓又清甜，而且好足料！
冰镇鲍鱼，肉质弹牙，质感软腍，好鲜味！
蒜蓉泰酱焗青口，好惹味！
炸鱼皮好酥脆松化，同朋友当小食咁抢住食。
海鲜拼盘份量十足，好有霸气！龙虾好大只，而且新鲜生猛，肉质雪白，味道鲜美；
蛏子皇肉厚，鲜味弹牙；
由于是夜未有贵妃蚌，就换咗鲍鱼俾我地，鲍鱼好活跃，仲啜住只虾😂
元贝超大只，渌完都冇咩缩到水，好鲜甜！
多宝鱼、黄金蚬、海虾都非常新鲜，呢个海鲜盘非常高质！
安格斯牛肩肉，牛味香浓，油脂甘香，肉质嫩滑👍🏻
日本黑豚肉、自家制韭菜饺、自家制云吞、高原娃娃菜、滋补花胶、自家制虾滑，火锅配料都系真材实料，全部都好正！
为咗令粥底味道更丰富同增强口感，仲提供咗粟米/芋头/南瓜粒。最后落返粥底入海鲜锅，粥底绵绵，吸收哂全晚嘅海鲜精华，味道极之鲜甜！
张贴
