更多
2023-04-23
38 浏览
二人餐,超抵食,谂住方便快捷,叫个二人餐唔使谂,黐线我哋一男一女去食,剩低左超过一半,唯有打包带走,第二晚再食都可以食得饱🥹鹅油捞面系佢招牌,用咗粗面,好有弹性,都几滑,啲面根根分明好均匀,唔会好似街边啲干炒牛河咁黐埋一pat嘢,未食过鹅油唔系好识分,都几香又唔会好油腻猪手冬菇超入味超淋,食唔停,啲冬菇细细粒,一啖一粒,又入味偏甜,猪手淋到就嚟用筷子都可以夹烂,超正,仲要有四大嚿真系超抵食,打包左返去第二日翻叮更加好食🤣手撕鸡鸡味重,同埋真系撕得好细条,鸡皮好弹牙!佢有盐焗同麻辣,我哋拣咗麻辣谂住特别啲,真系好辣,仲要越食越辣,但系又唔会抢晒啲鸡味鸡肾好食!佢又唔系完全爽口咬到牙软果种,佢系好容易咬开,但系又系偏爽嘅😂我第一次食呢种口感嘅鸡肾👍🏻凉拌云耳爽口系一定㗎啦,麻油同埋蒜头味偏重,不过我觉得可以再酸啲我觉得呢个餐最抵系可以嗌特饮唔使加钱🤣,好彩我哋嗌咗咸柠七喜,佢俾咗成罐我哋,如果唔系真系会辣死。
鹅油捞面系佢招牌,用咗粗面,好有弹性,都几滑,啲面根根分明好均匀,唔会好似街边啲干炒牛河咁黐埋一pat嘢,未食过鹅油唔系好识分,都几香又唔会好油腻
猪手冬菇超入味超淋,食唔停,啲冬菇细细粒,一啖一粒,又入味偏甜,猪手淋到就嚟用筷子都可以夹烂,超正,仲要有四大嚿真系超抵食,打包左返去第二日翻叮更加好食🤣
手撕鸡鸡味重,同埋真系撕得好细条,鸡皮好弹牙!佢有盐焗同麻辣,我哋拣咗麻辣谂住特别啲,真系好辣,仲要越食越辣,但系又唔会抢晒啲鸡味
鸡肾好食!佢又唔系完全爽口咬到牙软果种,佢系好容易咬开,但系又系偏爽嘅😂我第一次食呢种口感嘅鸡肾👍🏻
凉拌云耳爽口系一定㗎啦,麻油同埋蒜头味偏重,不过我觉得可以再酸啲
我觉得呢个餐最抵系可以嗌特饮唔使加钱🤣,好彩我哋嗌咗咸柠七喜,佢俾咗成罐我哋,如果唔系真系会辣死。
张贴