碧翠咖啡閣 (已結業)

记得上一次去Patio果时，d 食物一般，冇太大惊喜。点知近排公司搅gathering又去咗Patio食，点知发现一月帮衬有６５折，劲平！虽然系平，但系食物种类都几ｏｋ。我同d 同事就劲食海鲜，生蚝都几大只，见到厨师不停refill生蚝就知有几受欢迎啦！除咗蚝之外，仲有龙虾仔、濑尿虾、青口、翡翠螺、虾同长脚蟹，ｄ长脚蟹唔错，我食咗劲多。另外，有个厨即整铁板烧，有虾，猪扒，牛仔骨扒，羊扒，新鲜热辣，都几正！腌得好入味，抵赞！原来餐厅今个月仲有推怀旧小食，细细个钟意食𠮶d 啄啄糖，菠萝串，红豆糕，炸馒头，芝麻卷都得有食。其他嘢食好似日式照烧虾串，烧鸭胸配砵酒汁，香芒鱼件，咖喱羊肉，煎蚝饼，蒸大鲈鱼，避风塘炒蟹等，味道都唔错。仲有碗仔翅，鲍鱼鸡粥，虽然明知唔系ｄ贵价海味，但只系二百几蚊埋单一个人，超抵食！