影片
更多
2024-11-05
183 浏览
最近见好多人食brunch，所以我都衬weekend去chill一chill。原来brunch都唔一定系几百蚊一位嘅玩意，二百几已经有唔错嘅选择。“帝乐德国餐厅”位于铜锣湾嘅帝乐，呢度嘅brunch好简单，就系一个主菜加一个饮品，而外边嘅嘢食任拎。所以外边嘅嘢食就成为重点。外面嘅嘢食包括海鲜(新鲜虾、青口)、沙律、Parma ham、热食(德国肠、串烧、鱼块)、面包、唔少种类嘅水果甜品等等。基本上已经系一个小型自助餐嘅格局。当中除咗最拿手嘅德国肠外，虾同青口嘅表现系相当理想，够晒弹牙，而且最重要系，够晒冻。喺主菜嚟之前，好大机会已经食饱😂。主菜方面，我哋就叫做极之巨型嘅…脆皮烧猪肘配酸椰菜及炸薯角 (2位用) $488超巨型嘅猪肘，嚟到我哋已经知大镬😂。餐厅会将佢切件再上。果然，猪肘都系德国餐厅做得好，皮厚而脆，加埋一丝丝脂肪黐喺啲皮上面，咬落去系超乎想像嘅快感。肉亦都唔错，唔会好嚡，最重要系唔会过咸。另外酸椰菜亦相当好食，唔会过酸，而同猪手系夹嘅。难怪weekend brunch呢度咁多人食。二百几蚊，可以美味地饱足一日。另外要提提，餐厅做紧啤酒节通行证。可以以$250，系参与嘅餐厅
“帝乐德国餐厅”
位于铜锣湾嘅帝乐，呢度嘅brunch好简单，就系一个主菜加一个饮品，而外边嘅嘢食任拎。所以外边嘅嘢食就成为重点。
外面嘅嘢食包括海鲜(新鲜虾、青口)、沙律、Parma ham、热食(德国肠、串烧、鱼块)、面包、唔少种类嘅水果甜品等等。基本上已经系一个小型自助餐嘅格局。当中除咗最拿手嘅德国肠外，虾同青口嘅表现系相当理想，够晒弹牙，而且最重要系，够晒冻。喺主菜嚟之前，好大机会已经食饱😂。
主菜方面，我哋就叫做极之巨型嘅…
脆皮烧猪肘配酸椰菜及炸薯角 (2位用) $488
超巨型嘅猪肘，嚟到我哋已经知大镬😂。餐厅会将佢切件再上。果然，猪肘都系德国餐厅做得好，皮厚而脆，加埋一丝丝脂肪黐喺啲皮上面，咬落去系超乎想像嘅快感。肉亦都唔错，唔会好嚡，最重要系唔会过咸。另外酸椰菜亦相当好食，唔会过酸，而同猪手系夹嘅。
难怪weekend brunch呢度咁多人食。二百几蚊，可以美味地饱足一日。
另外要提提，餐厅做紧啤酒节通行证。可以以$250，系参与嘅餐厅，饮5杯啤酒。最正嘅地方系唔需要喺一间餐厅用晒，可以去唔同参与嘅餐厅，每间试一杯啤酒都得，已经相当抵玩。
张贴
