Bohdan

营业中

休息中

听同事讲公司附近新开左间又平又靓既cafe，即时揾个星期五lunch去试下先！12:40去到，门口已经排左非常多人，睇黎人气真系好旺店铺装修新潮，系附近少有的cafe好彩地方又大，所以唔洗等太耐都有得入坐。午市套餐list晒成个礼拜既选择出黎，每日都唔同，日日黎食都唔怕厌而且真系好抵呀，大部分都系48蚊咋，附近茶餐厅一个餐都要呢个价钱啦。如果唔想食set lunch，仲有其他选择饮品选择好多，特色咖啡都只系加8蚊就可以转波士顿龙虾帆立贝意粉$60龙虾肉质弹牙而且好鲜甜，而且仲有好多虾膏，好好食。值得一赞就系个龙虾钳已经整碎，令客人可以好容易就食到！不过佢个意粉就淡味左d，如果可以用龙虾汁整就正啦飞驒牛甜咖喱奄列饭$48和牛汉堡扒肉质柔软，而且好重牛味，配上咖喱饭真系非常夹！个蛋奄列用左蘑菇一齐煎，增加左香味，好食。烤鸡肉田园沙律$30因为想食菜所以叫左呢个沙律，估唔到30蚊会有咁大碟！而且用料新鲜。烤鸡肉味道都好，好抵食。香蕉牛奶$12跟餐加12蚊转，饮得出系用新鲜水果打而唔系用香料。除左香蕉，仲有成12款生果选择，下次试下其他先。