霸嗎拉麵 (已結業)

同朋友仔冇食早餐去睇戏，睇完戏大概下昼一点几好肚饿呀，就喺附近是但揾一间医肚。见到呢间Lunch set几抵㖞！ $68就有一碗炙烧豚肉味玉拉面+3只羽根饺子连埋嘢饮！呢度嘅叉烧系厚切，大约都有2cm咁厚，而且唔会太肥，啖啖肉！烧过之后好香，个汤底好浓猪骨味。平日食拉面都要另外加溏心蛋，呢度已经包埋！重要煮蛋既时间拿捏得非常准确，一咬开蛋黄就啤啤声流晒出黎！而且蛋白部分腌得好入味！超正！拉面虽然无得拣软硬度，平日食开偏硬面质既我都几满意！饺子系后上，佢加左啲生粉水煎到有个脆卜卜底，将佢地三只连埋一齐，皮好薄，啲馅唔会好咸，肉同菜比例平均。野饮除大可乐个啲汽水之外重有雀巢柠檬茶拣，不过我唔饮汽水呢类甜野冻野，建议有茶拣会更好。