藤 (已結業)

今次介绍位于旺角嘅日式omakase《藤》，座位全部都系bar枱形式。晚市omakase $788一位包含前菜、三款刺身、寿司11贯、熟食、卷物一款、汤同埋甜品。先付鳕鱼白子表面经过微微炙烧，奶油味口感。加入左土佐醋、水云、萝卜蓉，平时出面食开酸汁啫喱，依款就主要食白子嘅食材味道，好新鲜。刺身三点𩽾𩾌鱼肝橙色嘅𩽾𩾌鱼肝，味道鲜甜又入口即溶。配左绿色嘅新鲜紫菜同埋鲜汁，好开胃。小长井生蚝蚝身非常饱满又有光泽，食落海水味同埋蚝味都好重。烟熏春鱼白身鱼味道本身较淡，师傅就用咗烟熏嘅方式去处理，加入洋葱丝、姜花、酸汁、芥末籽酱、炸蒜，淡淡烟熏味又有炸蒜嘅味道。糖醋蛋配慢煮八爪鱼糖醋蛋其实都系流心蛋，上面淋上土佐醋、同埋白色嘅新鲜鱼松。食之前可以搅拌蛋浆，令到八爪鱼被蛋浆覆盖，口感会更加幼滑。八爪鱼用左樱煮处理2个钟以上，好腍身又有嚼劲。寿司十一贯带子寿司白色嘅新鲜带子，加上柚子皮、柠檬汁、岩盐，带出带子本身嘅鲜甜。真鲷肉厚边缘有淡红嘅鱼皮，鱼肉上面加入左梅酱，肉质鲜嫩又微甜。深海池鱼白身鱼，鱼皮呈灰色鱼肉末端浅红色，厚身又有油脂香，入口甜美又细腻。生北寄贝平时出面食开系红色嘅熟北寄贝，生嘅末端