影片
更多
2005-03-21
10 浏览
Lunch0向九龙城揾食, 想食咖哩, 谂住一系去清真一系去呢间. 0向门口见到有星期一至五有set lunch供应, 之前0黎食过一次, 印象唔错, 咁就一于试下啦!个set包括:1件samosa: 微暖, 松脆, 唔算油, 内有粒粒薯仔同青豆, 不过冇咩辣味, 但系都几好食.1件铁板鸡or鱼: (我唔记0左系tandoori定tikka )冇得简要鸡定鱼, 由餐厅定, 每天不同, 今日系鸡. 件鸡槌都几大件0下, 微暖(应该同samosa都一样系预先整定), 虽然系雪藏货可幸腌得几够咪, 几香口.是日餐汤: 忌廉粟米汤, 应该系罐头货式.沙律: 有腌过０既红萝卜丝, 青瓜丝, 小小一碟, 作为开胃前菜亦唔错.白饭同Naan2块：原本以为系白饭或naan, 点知原来系2样都有. 白饭唔系普通白饭, 又唔似系印度饭,有点硬硬的, 有0赵口, 唔错. Naan系新鲜整的, 我食完samosa同鸡先食都又热又脆, 2块都俾我清晒~咖哩: 可以简羊/牛/鸡/鱼/杂菜, 唔想要咁多肉, 所以试0左杂菜. 新鲜热辣一满碗(同碗汤一样size), 内有大量青豆, 豆角同薯仔粒, 又多汁又多料, 净
个set包括:
1件samosa: 微暖, 松脆, 唔算油, 内有粒粒薯仔同青豆, 不过冇咩辣味, 但系都几好食.
1件铁板鸡or鱼: (我唔记0左系tandoori定tikka )冇得简要鸡定鱼, 由餐厅定, 每天不同, 今日系鸡. 件鸡槌都几大件0下, 微暖(应该同samosa都一样系预先整定), 虽然系雪藏货可幸腌得几够咪, 几香口.
是日餐汤: 忌廉粟米汤, 应该系罐头货式.
沙律: 有腌过０既红萝卜丝, 青瓜丝, 小小一碟, 作为开胃前菜亦唔错.
白饭同Naan2块：原本以为系白饭或naan, 点知原来系2样都有. 白饭唔系普通白饭, 又唔似系印度饭,有点硬硬的, 有0赵口, 唔错. Naan系新鲜整的, 我食完samosa同鸡先食都又热又脆, 2块都俾我清晒~
咖哩: 可以简羊/牛/鸡/鱼/杂菜, 唔想要咁多肉, 所以试0左杂菜. 新鲜热辣一满碗(同碗汤一样size), 内有大量青豆, 豆角同薯仔粒, 又多汁又多料, 净食或点naan都好味, 不过又系唔够辣.
餐茶: 咖啡or奶茶, 冇柠茶or柠水, 转汽水加$5, 冻饮加$2. 要左个热奶茶, 冇咩特别, 不过都算有茶味, ok啦~
成个餐真系好抵, 食到饱饱唔使加一都只系$32, 男仕都一定够, 女仔细食叫佢走饭都够饱. 环境清净, 放住柔和印度音乐, 气氛几好. 客人唔多, 由我入去到我走都只系得3, 4枱, 见佢都已经开0左几年, 食物水准又唔错, 希望维持得住唔好执啦......
张贴