怒茶巷 (已結業)

周不时都会约朋友行葵广，睇吓衫同扫下街，咁就系一个愉快嘅day off啦~ 有行开葵广嘅都知，3楼有一条食街，咁岩今日都行过，但系大部份响𠮶度食店我哋都试过晒，但朋友好眼利，发现咗呢间要转入少少嘅饮品店位置一啲都唔起眼，但见未试过, 就一于望吓个Menu啦~ 一见到黑糖珍珠鲜奶$25一杯! 我就二话不说买咗，因为而家出面闲闲地都卖$30+一杯，虽然钟意但我成日都唔舍得饮，见佢$25咁抵就嗱嗱临买返杯试吓! 最正嘅系呢度仲有得拣少甜少冰，出面好多都固定咗甜度~ 朋友好钟意芝士奶盖，所以就叫咗杯芝士四季春茶走甜少冰~ 黑糖珍珠鲜奶令我好惊喜奶味好香，珍珠香甜，软硬度啱啱好，杯嘢饮拎上手𠮶阵，珍珠仲系少少烫手，鲜奶就冻冰冰，撞埋一齐好正! 咁嘅价钱完全系超水准发挥至于芝士四季春茶都好好饮, 茶味浓郁微甘，芝士奶盖香滑唔会太漏，呢个价钱同呢个质素，建议大家嚟到葵广都一定要试吓