菊月町 (已搬遷) 新店位置

今日约咗朋友喺观塘聚一聚，行过骏业街有间装修几有日本feel嘅餐厅，于是入去试吓。入面坐位唔多，全部都系bar枱，可以坐喺师傅面前睇住佢整食物，似足日本果d厨师发板。呢度款式都几多，有铁板烧同鱼生，谂咗好耐我决定食鱼生饭，叫咗个金银海鲜丼，未食饭之前有个沙律，d菜都好新鲜，个汁酸酸甜甜，好开胃，之后就上海鲜丼，呢个丼分别有赤身、油金鱼、三文鱼、带子、碎拖罗蓉同牡丹虾，一碗有齐晒我想货嘅野，我见师傅好有心机咁整，终于上枱啦，超惊喜，有好多金簿口面，每件刺身都有，而且师傅攞碟又劲靓，见到一定要相机食先啦。D刺身超新鲜，全部都系厚切，刺身相当肥美，而且劲鲜甜一d腥味都冇，牡丹虾好爽口，肉质好甜，个虾头劲多膏，而d寿司饭同出面d寿司铺唔同，师傅已经整咗d味入去，唔同一般嘅醋味寿司饭，食完呢个丼饭之后劲满足。