蟹仙海鮮蒸氣石碢

营业中

休息中

一直都好想试吓油塘，近鲤鱼门，码头旁边嘅蒸气海鲜。之前终于忍唔住试咗，超正，超新鲜!餐牌好多选择，全部明码实价!我地拣咗个2人餐，劲丰富，全部海鲜都非常新鲜，全程有餐厅同事帮手蒸，食完海鲜，再食埋个粥底，再食埋送嘅糖水，真系饱到上心口呀，大满足呀🤤🤤🤤特别系个青蟹!劲劲劲爆膏，劲鲜甜，劲回甘，流哂油呀!d蟹肉系一疏疏的，只有新鲜蟹嘅肉先可以㗎😋😋除咗靓海鲜，d肉肉配料，小丸子，蔬菜篮，蒸完都好好食，原汁原味，唔使点酱料，都已经好好味!个猪骨粥底，吸收哂所有海鲜同配料嘅精华，加上菜甫和葱花，简简单单，但味绝不简单，好食!椰汁雪燕糖水都系自家制㗎😋餐厅嘅May姐，超级好人，又热情，又专业，会主动帮忙处理海鲜，仲会分享海鲜科普小知识，好正呀😗😗😗挂住食，仲有好多嘢，真系影唔切呀😆😆