影片
更多
2021-09-14
1265 浏览
香港人食自助餐，最钟意一定系生蚝、鱼生刺身同海鲜冷盘，今日嚟到位于北角历山酒店嘅Cafe A，呢度除咗以上嘅选择之外，我哋更推介绝不马虎嘅中菜美食，其中劲花心思嘅松子鱼就一定感受到厨师嘅功架！话晒能够喺星级酒店叹高质中菜同鱼生海鲜，呢餐自助餐话咁易就回本啦！生蚝生蚝即叫即开， 够晒新鲜，size虽然唔系大大只，但细细只反而仲鲜甜，蚝身够晒饱满，海水味浓，好creamy！鱼生刺身刺身选择有成六款：三文鱼、油金鱼、吞拿鱼、甜虾、带子同赤贝。我哋encore必食推介就系大大粒又厚身嘅帆立贝，我哋特登叫师傅唔好切开边，一整粒放落口，够晒幸福感！另外，赤贝非常鲜甜，够爽口弹牙，加上平时自助餐一向少见，所以我哋食咗好多呀！海鲜冷盘海鲜冷盘方面，有海螺、冻熟虾、纽西兰熟青口同蟹脚。特别钟意劲多肉又鲜甜嘅长脚蟹，仲带有淡淡嘅海水味，非常新鲜吸引。中式冷盘冷盘除咗沙律之外，历山酒店Cafe A嘅冷盘够惊喜，同平时常见到日式冷盘唔同，呢度大玩川菜风味。冷盘有麻辣猪耳、凉拌云耳、酸姜皮蛋等等，全部都非常开胃醒胃！但最吸引我哋嘅系蒜泥白肉，蒜香味浓郁。其他选择仲有烟挪威三文鱼、凉拌木耳青瓜沙律、薯仔沙律配芥末
生蚝
生蚝即叫即开， 够晒新鲜，size虽然唔系大大只，但细细只反而仲鲜甜，蚝身够晒饱满，海水味浓，好creamy！
鱼生刺身
刺身选择有成六款：三文鱼、油金鱼、吞拿鱼、甜虾、带子同赤贝。我哋encore必食推介就系大大粒又厚身嘅帆立贝，我哋特登叫师傅唔好切开边，一整粒放落口，够晒幸福感！另外，赤贝非常鲜甜，够爽口弹牙，加上平时自助餐一向少见，所以我哋食咗好多呀！
海鲜冷盘
海鲜冷盘方面，有海螺、冻熟虾、纽西兰熟青口同蟹脚。特别钟意劲多肉又鲜甜嘅长脚蟹，仲带有淡淡嘅海水味，非常新鲜吸引。
中式冷盘
冷盘除咗沙律之外，历山酒店Cafe A嘅冷盘够惊喜，同平时常见到日式冷盘唔同，呢度大玩川菜风味。冷盘有麻辣猪耳、凉拌云耳、酸姜皮蛋等等，全部都非常开胃醒胃！但最吸引我哋嘅系蒜泥白肉，蒜香味浓郁。其他选择仲有烟挪威三文鱼、凉拌木耳青瓜沙律、薯仔沙律配芥末酱、巴马火腿伴蜜瓜、杂锦寿司及加州卷。
特级肉眼扒、香草烤羊鞍
肉类方面都有两款选择，可惜我哋两个都唔食羊，但钟意食羊嘅朋友一定好开心喇！肉眼薄切，烤到五成熟，肉汁够晒juicy，牛味香浓。
冬菇炆花胶
每人限定一碟，冬菇同花胶都厚身够入味。花胶劲厚，又够胶口，相信骨胶原够丰富，我就决定唔切开，成旧放入口，呢种就系幸福嘅味道。
热盘
平时食自助餐，热盘绝对会被遗忘，但历山酒店Cafe A嘅自助餐热盘就绝对唔可以错过喇！呢度嘅热盘不定期更新，但代表作松鼠脆海鲜就系呢度嘅镇店之宝，推出咗一段时间，仍然大受欢迎。松子鱼非常考功夫，厨师嘅功力少啲都唔得。原条松子鱼炸到非常生动，非常香口，鱼肉嫩滑，加上酸甜酱汁，非常开胃！
另外，encore推介仲有金银蒜蒸扇贝，蒜蓉味香浓，蒜贝大大粒入晒味，每次一出就瞬间沽清，好彩不断推出，可以无间任食呀！
其他推介仲有脆皮蛋黄虾、玫瑰豉油鸡、荔蓉炸带子、海鲍片扒小棠菜、碧绿炒虾仁、碧绿花枝片、姜葱生蚝，款式非常多，够晒丰富。
食到咁上下，仲有鹅肝推出，可惜我哋已经好饱喇！后尾先知道，原来自助餐食到10点，餐厅喺用餐时段会keep住更新款式，劲有诚意，所以大家记住留肚，计划好食自助餐嘅策略呀！
除咗中式热盘，今日仲有唔少西式、泰式等多国菜式热盘选择，包括：素春卷、照烧多春鱼、红酒烩牛尾、秘制猪肋骨、蜂蜜焗薯配芝士、烟火腿意粉、香煎左口鱼配龙虾汁、香煎三文鱼配红花汁、泰式猪颈肉。
甜品
今日嘅中式甜品有紫米露，除此之外仲有多款甜品、蛋糕、水果。首先，水果有西瓜、蜜瓜、火龙果、橙。至于甜品方面，有紫薯忌廉蛋糕、士多啤梨慕丝杯、泡芙、曲奇芝士蛋糕、黑森林蛋糕、蓝莓芝士饼同芒果拿破仑，蛋糕由酒店嘅饼店师傅每日新鲜制作，有信心保证，非常好味！另外仲有香芒布甸、啫喱杯同即叫即做嘅班戟同窝夫。至于雪糕就系Häagen-Dazs，味道有成六款，分别系芒果、蓝梅、曲奇、比利时朱古力、云呢拿同士多啤梨。好彩甜品系第二个胃，又可以启动喇！
张贴
