影片
更多
2017-12-18
908 浏览
连续第6日食日本餐，其实食到今日都已经有少少厌，不过约咗就点都要嚟啦，而且乜食日本餐真系会厌㗎咩？订位就当然要坐寿司吧台，最期待就系见到自己个名嘅折纸！呢度嘅店员非常钟意折纸，仲好有心咁用每位客人嘅名折纸出嚟，超超超窝心！饿妈卡些 ($450)前菜拼盘只碟好似一只大船，有两块红叶，装饰得几细致蛋卷：入面包住昆布，不过啲昆布好幼细，基本上都系当佢系普通蛋卷咁食山葵八爪鱼：捞埋希灵鱼及鱿鱼干，第一吓有啲潺，但唔系好核突嘅口感，反而系滑溜𠮶种，山葵味浓不过唔呛杂鱼卷：好有趣，系好多鱼肉打成卷状，即系鱼蛋啦，不过系鱼味好浓郁嘅鱼蛋，上面嘅系紫苏叶炸莲藕：好似薯片嘅口感，炸得恰到好处，唔会有难堪嘅油腻味道青瓜：唔讲真系以为系糯米饭酿青瓜？其实一粒粒嘅系金山面豉，发酵嘅豆香味浓但一啲都唔咸茶碗蒸超滑溜，入面仲有好少会喺茶碗蒸入面出现嘅白子！自从上次唔记得喺边度食完之后，对佢嘅不安一扫而空，再加上蟹肉，咁材料丰富嘅蒸蛋，俾多个我可以吗？烧物白色嘅系烧左口鱼，平时食开烧左口鱼边，今次食左口鱼肉，肉质好结实，好有咬口感；上面𠮶条徘徊在似姜又葱之间嘅系姜芽，酸酸哋，不过记住只可以食白色部份；旁边嘅腌萝卜上
订位就当然要坐寿司吧台，最期待就系见到自己个名嘅折纸！呢度嘅店员非常钟意折纸，仲好有心咁用每位客人嘅名折纸出嚟，超超超窝心！
饿妈卡些 ($450)
前菜拼盘
只碟好似一只大船，有两块红叶，装饰得几细致
蛋卷：入面包住昆布，不过啲昆布好幼细，基本上都系当佢系普通蛋卷咁食
山葵八爪鱼：捞埋希灵鱼及鱿鱼干，第一吓有啲潺，但唔系好核突嘅口感，反而系滑溜𠮶种，山葵味浓不过唔呛
杂鱼卷：好有趣，系好多鱼肉打成卷状，即系鱼蛋啦，不过系鱼味好浓郁嘅鱼蛋，上面嘅系紫苏叶
炸莲藕：好似薯片嘅口感，炸得恰到好处，唔会有难堪嘅油腻味道
青瓜：唔讲真系以为系糯米饭酿青瓜？其实一粒粒嘅系金山面豉，发酵嘅豆香味浓但一啲都唔咸
前菜拼盘
16 浏览
0 赞好
0 留言
茶碗蒸
超滑溜，入面仲有好少会喺茶碗蒸入面出现嘅白子！自从上次唔记得喺边度食完之后，对佢嘅不安一扫而空，再加上蟹肉，咁材料丰富嘅蒸蛋，俾多个我可以吗？
茶碗蒸
10 浏览
0 赞好
0 留言
烧物
白色嘅系烧左口鱼，平时食开烧左口鱼边，今次食左口鱼肉，肉质好结实，好有咬口感；上面𠮶条徘徊在似姜又葱之间嘅系姜芽，酸酸哋，不过记住只可以食白色部份；旁边嘅腌萝卜上放咗柚子片，系一个非常少见嘅组合，食完左口鱼之后食食姜芽及萝卜，再慢慢食猪肉就啱喇。啡色嘅系猪肉，中间夹杂少少肥膏，食落唔会干争争，肉味好香浓，同烧左口鱼成好强烈嘅对比
烧物
18 浏览
0 赞好
0 留言
寿司
按照江户前传统寿司嘅造法，用酒糟酿嘅「赤醋」嚟做寿司饭，除咗外观会啡啡哋外，比起用白米醋整嘅饭酸度会高啲、入口仲有独特嘅香气、同油脂丰富嘅鱼非常匹配，整体嘅层次感十足
BB吞拿鱼：肉质爽口，唔系太肥，睇唔到有好明显嘅网纹，不过味道好清甜
带子：肉质细嫩，味鲜甜美
烧左口鱼边：估唔到又有左口鱼食！食返最肥美嘅部位，同头先烧左口鱼肉嘅口感完全唔同，呢个油脂劲丰香幼滑，满口油脂，睇嚟我都系钟意肥腾腾嘅左口鱼边了
鲭鱼：质感爽滑富弹性，上面有少少姜，不过我唔系太钟意醋渍过嘅鱼肉，所以唔系我最爱了
针鱼：外表好独特，银色咁㗎㖞，唔讲真系以为系秋刀鱼！肉质爽脆又好鲜甜，上面𠮶一小拙姜，令鲜味更突出！非常好味！
深海池鱼：上面有少少姜及葱粒，中和咗佢嘅鱼味，亦都大大提升鲜味，肉质爽口清甜，好钟意！！！！
寿司
14 浏览
0 赞好
0 留言
面豉汤
入面好足料，有海藻、鱼肉、菜苗等，好有豆香
面豉汤
19 浏览
0 赞好
0 留言
蕨饼
超级超级开心！甜品竟然系抹茶蕨饼！！！！旁边有食用菊花，蕨饼上嘅闪粉系糖粉，啲蕨饼简直系俾啲抹茶粉堆住咗，净系睇外观已经开心到不得了！口感软糯烟韧，又唔甜㖞！如果可以散叫蕨饼就好喇，唔止叫一碟，系一盘盘咁上吖唔该！
蕨饼
10 浏览
0 赞好
0 留言
临走𠮶阵口痕问可唔可以拎走啲折纸，店员话可以呀，仲俾埋个纸袋我袋走！真系一间超有诚意超有心嘅小店，虽然未食之前话食日本餐食到有啲厌，但好在好在今日有嚟食咋！一定要再返嚟食！
张贴
