Vivere

营业中

休息中

揾到一间个景超靓嘅酒吧餐厅系Sugar+ 11楼，望正成个维园。早少少6:30pm上到去，可以睇到由日头到夜晚嘅变化。呢期有龙虾主菜，叫咗个原只龙虾+澳洲安格斯肉眼。龙虾虽然系波士顿龙虾，但系都够湿润弹牙。安格斯肉眼扒就够晒肉味。另外又叫咗个蟹肉烩意大利饭配炸软壳蟹，Risotto非常之浓蟹味同埋蕃茄味，加埋个软壳蟹一齐食就冇得弹。估唔到原来甜品先系重点，熔岩巧克力蛋糕配云呢拿雪糕系今日MVP，朱古力唔会好漏又唔会太甜，熔岩朱古力加埋雪糕一热一冻，超级精彩。另外叫咗个抹茶蕨饼提拉米苏又系非常正，个底咖啡味好浓，加埋入边嘅缺饼有唔同层次嘅口感。的确令人印象难忘。