餃撚店

营业中

休息中

发现到系土瓜湾有一间特色手工饺子店，佢哋啲饺子、小笼包口味系出面都冇见过，今日特登过嚟试吓有几特别。餐厅系条巷仔度，一连三个舖位。都几光猛干净。小笼包、饺子除咗基本口味之外，仲有好多特别口味，小笼包就试咗花雕醉鸡汁小笼包，真系有好浓嘅酒香味，每一个都系食紧一大啖醉鸡咁，如果要渣车嚟食真系要三思。煎饺就试吓咗双重芝士粟米烟肉饺同埋椰香荔芋腊肠香菇饺。前者芝士爆浆而出，咸咸香香咁似食紧西餐。后者直头将腊味芋头煲塞咗入去个饺子度，啱晒冬天食。另外主食叫咗个椰菜云耳香菇猪肉饺汤面，加咗$10转成老火蕃茄薯仔红萝卜排骨汤，个汤真系好好饮。仲有唔好错过佢哋个小心爆汁牛肉煎饼，咬开一啖啲汁把把声系咁流出嚟，一人一个热辣辣真系必试。