Terrace in seaside (形點 I)

营业中

休息中

Terrace in the seaside 每间分店嘅装修都好靓，装修以木系质感做主调，成个环境企理舒服，食物一贯高水准👍🏻近排万圣节仲有特色甜品同饮品，真系唔可以错过。啖啖蟹肉千层面 好正呀，上面超多超多蟹膏蟹肉🤤谂返都觉得冇得输，千层面用了丰富，每一层都夹住肉酱，蟹膏味道浓郁！韩式奶油排骨锅入面除咗有排骨，仲有韩式粉丝韩式年糕等等，酱料有少少甜🤤味道浓厚，排骨嘅份量真系好多，食极都仲有！幽灵来袭！士多啤梨朱古力窝夫 份量超大超大真系够三四个人食，窝夫蛋浆比例10分好，所以食落去干身脆口，沾上小小士多啤梨酱已经好好食！值得一提就系幽灵𠮶块布，其实系一大片麻糬再盖住朱古力蛋糕😋麻糬带甜香，咬落去软熟好好食！恶鬼荆棘海提子沙冰 上面放住万圣节装饰好得意呀，入边有好多提子皮，所以绝对系真材实料，几钟意杯嘢饮因为唔会太甜。济州柑乳酸梳打 上面有靓靓嘅蝶豆花造成嘅紫色🤤下面有济州乳酸，成个配搭好好饮，清清地唔会太甜，夏天就一流。