Chop Chop 食神叉燒 (宏安道) (裝修中)

住东区又钟意食叉烧嘅朋友，对「新贵香」叉烧唔会陌生。最近发现原来位于炮台山嘅Chop Chop食神叉烧嘅主厨荣师傅，系为前新桂香主厨。呢日嚟到炮台山附近，当然要试吓啦。餐厅有单点之余，亦有二人及四人餐选择。除咗烧味外，仲有多款小菜提供。蜜汁烧排骨叉烧（$150）- 呢个系餐厅职员推介，听讲系每日新鲜运到嘅排骨烧成，唔系间间烧味店有。师傅利用传统腌肉及烧法，入囗果然非常高质，烧得好好味，不愧为食神叉烧。原只烧鹅髀米粉（$130）- 原只烧鹅脾真系好吸引，肉质鲜嫩，入口啖啖肉，味道好正。餐厅环境舒适座位阔落，适合一班朋友或屋企人聚餐。见餐厅除咗一般餐饮和特饮外，仲有红酒选择，配合中式烧味，应该有另一番风味。