影片
更多
2023-05-19
27 浏览
之前食过佢嘅车仔面，非常满意。就好似其他食评所讲咁😋。今日想试生菜鱼肉（外卖），由于事前已打电话落单，嚟到店员好快递上。但我好钟意佢哋嘅菜莆😬,坐低打开加。点知有个疑似老板嘅男人走埋嚟问「加啲麻油好嘛？香啲」，我话好，佢就帮我落。跟住又拎支胡椒粉嚟问我落啲好唔好？😅我梗系好啦！哗！我完全无问过佢哋要，佢系发自内心觉得咁样好味啲而自动帮我😍。喂呀，大佬，我唔系大客仔，只系买碗鱼肉咋！点可能咁好㗎？！🥹返到屋企食，发觉惊为天人咁好味，因为啲鱼肉系好似净鲮鱼肉，一啲粉都无。啲生菜大大片又爽，我已系焗住返屋企先食。证明佢哋用嘅生菜好新鲜同埋煮嘅时间控制得好好👍🏽。再加埋佢嘅麻油、胡椒粉简直系我食过最好味嘅生菜鱼肉。希望佢哋会．一直保持呢个水准😉
哗！我完全无问过佢哋要，佢系发自内心觉得咁样好味啲而自动帮我😍。
喂呀，大佬，我唔系大客仔，只系买碗鱼肉咋！点可能咁好㗎？！🥹
返到屋企食，发觉惊为天人咁好味，因为啲鱼肉系好似净鲮鱼肉，一啲粉都无。啲生菜大大片又爽，我已系焗住返屋企先食。证明佢哋用嘅生菜好新鲜同埋煮嘅时间控制得好好👍🏽。再加埋佢嘅麻油、胡椒粉简直系我食过最好味嘅生菜鱼肉。希望佢哋会．一直保持呢个水准😉
生菜鱼肉
$22
7 浏览
0 赞好
0 留言
张贴
