爆爆鍋 (已結業)

一间位于铜锣湾嘅一人火锅店，主打高质精致锅物😋，店员会即场喺餐枱度帮你炒香每一锅汤底料，然后再加汤💥。而且仲有蔬菜吧，可以免费任攞🥬。.🐮石纹精选牛肩肉套餐($206)呢个套餐，我哋就拣咗石纹精选牛肩肉，配埋爆炒樱花虾鲜锅🦐。汤底有浓浓嘅樱花虾甲壳香味，加上海鲜嘅鲜味，配埋蔬菜同埋肉类都好夹👍🏻。套餐里面仲包埋宽粉，我哋亦都加购咗脆卜卜嘅夜市炸鱿鱼🦑。饮品就有充满台湾风味嘅寒天翡翠柠檬。.🐄澳洲M5和牛肩胛肉眼套餐($240)另一款锅，我哋就拣咗澳洲M5和牛肩胛肉眼，配爆炒沙茶石头火锅🔥。沙茶酱嘅味道超香浓，一炒嘅时候，香味充满晒成个空间。而且M5和牛嘅肉质都够晒油香🥩。我哋同样拣咗弹牙又挂汤嘅宽粉，亦都加购咗清爽嘅凤梨凉伴章鱼🐙。打边炉梗系唔少得另一款台湾饮品，冬瓜柠檬爱玉啦。