兄弟邦

营业中

休息中

由于较早前喺何文田胜利道嘅「兄弟邦」食过下午茶，觉得他们嘅出品都几好，所以今晚喺附近做完嘢之后，就谂著去食晚饭！原来喺晚市时段「兄弟邦」系卖他们隔离嘅兄弟店「鲜丼家」嘅食物！我们叫咗五色丼饭系用「三文鱼、甜虾、蟹籽、北寄贝同油甘鱼」堆砌而成，令到卖相相当色彩缤纷吸引，份量亦好足料，差唔多每款都有两件，而且系我们最钟意嘅厚切，肉质超肥美甘香，鱼油嘅香味，简直系齿颊留香，真系超正呀！西京银鳕鱼丼饭嘅银鳕鱼嘅肉质好鲜味弹牙，表面煎得色泽好金黄！猪软骨锅「寿喜烧汤底」嘅汤底味道香甜浓郁，猪软骨嘅肉质相当松软，完全唔会有硬实嘅感觉，另外套餐原本系跟饭，但我们叫咗几个都系饭，所以店员向我们推介话另加$10就可以转稻庭乌冬，乌冬嘅面质好软滑，放入香甜嘅汤底一齐食，吸收晒汤汁嘅味道，真系好正呀！滑蛋鳗鱼丼饭嘅滑蛋好嫩滑，因师傅控制时间火候恰到好处，唔会过咗火，而令到鸡蛋变老，而鳗鱼嘅肉质亦好爽滑弹牙，再淋上香甜嘅酱汁一齐食，真系好夹呀！